Welkom by Crux Dohnes

CRUX DOHNES nooi jou uit om deel te word van ons wêreld. Ons is ‘n trotse span wat met toewyding ‘n geharde, funksionele, doeltreffende dier, met balans teel, wat ‘n verskil aan jou kudde sal maak. CRUX DOHNES het die vermoë om in ekstensiewe toestande ‘n winsgewende inkomste vir sy eienaar te verseker. Kom deel in die visie van die CRUX DOHNES span. Ervaar hulle entoesiasme en passie.

Crux Dohnes bied sy jaarlikse produksieveiling aan op 4 Februarie 2016 om 11:00. Volg hierdie skakel vir meer inligting of om die volledige katalogus af te laai.Lees meer

2 ramme 2013 poster

Dohne Merino’s is die ideale Merino afstammeling vir ‘n volhoubare wol/vleis- boerdery. Verbeter jou merino’s se gehardheid, vrugbaarheid en vleisproduksie met Dohne Merino ramme en behou steeds ‘n goeie vag op jou skaap. Gebruik CRUX DOHNE ramme om meer lammers te speen in ekonomiese realiteite waarin ‘n “wol-boer” se inkomste 80% uit vleis bestaan.

_IAN5129

Vinnige feite

1. CRUX DOHNES het sy bestaan gehad in Edenburg in die Suid-Vrystaat in 2007. Vier bestaande telers naamlik De Put Dohnes, All-in-one Dohnes, Gnu Dohnes en Donum Dohnes, het ‘n teelgroep gevorm. Die eerste ram inname was Januarie 2008 en die eerste produksie veiling met 80 ramme en 2000 ooie, op die plaas De Put, Edenburg op 5 Februarie 2009. Huidig is Gnu Dohnes nie meer deel van CRUX nie.

ooi-kyk-P1040379

2. Die Suid-Vrystaat is bekend vir sy uitgestrekte vlaktes van gras- en bossie-veld. Hierdie deel van Suid-Afrika ondervind gereeld droogte periodes en temperature wissel van -10°C in die winter tot 40°C in die somer. Skape word onder hierdie ekstensiewe toestande geselekteer in harmonie met die natuur. Dit is ‘n geval van oorlewing van die gehardstes!

_IAN5189

3. CRUX DOHNES bestaan tans uit ‘n groep van vier Dohne stoet telers wat saamwerk om die mees ekonomiese skaap te teel wat tred hou met die veranderlike ekonomiese omstandighede van die dag. Hierdie doel kan slegs bereik word deur die beste nageslag te selekteer uit die maksimum produserende ooie in ‘n groep wat die maksimum inkomste verseker en wat voldoen aan die Dohne Merino se teelbeleid en rasstandaarde. Die natuur wys die weg vir CRUX DOHNES.

dohne_merino_19_micron-web

dohne-carcasses1

4. CRUX DOHNES bied jou die beste van twee wêrelde, wol en vleis. Die Dohne is ‘n produk van ‘n teelsisteem wat staatmaak op volledige nageslag- en prestasie-rekords, gekombineerd met visuele klasering vir konformasie en tipe. Beraamde teelwaardes is beskikbaar vir elke geregistreerde Dohne in die land, wat telers en kommersiele ramkopers instaat stel om te selekteer vir “genetics” met die beklemtoning van prestasie wat hy of sy benodig vir sy spesifieke kudde.

_DSC1551-kleiner

5. Die gebalanseerde benadering van die Dohne Merino tot wol- en vleis- produksie is die ras se belangrikste sterkpunt. Met 20 000 teel ooie is CRUX DOHNES die grootste teelgroep in Suid Afrika, met gevolglike seleksie druk en vinnige teelvordering.

6. Die Dohne Merino is ‘n trots Suid Afrikaanse ras en met sy dubbeldoeleienskappe genereer hy vandag ‘n marge wat kan kersvashou by enige skaapras.

ooi-bouvorm-P1040319

7. CRUX DOHNE Merino’s is die ideale Merino afstammeling vir ‘n volhoubare wol/vleis- boerdery. Verbeter jou Merino’s se vleiseienskappe sonder om wol prys te gee deur CRUX DOHNE ramme te gebruik.

8. CRUX DOHNES glo dat die wolskaapbedryf in Suid Afrika se toekoms ‘n poenskop, dubbeldoel, witwol ras is, met ‘n balans tussen wol en vleis soos deur die Dohne Merino rasgenootskap vasgelê is in teelbeleid vanaf die ontstaan van die ras 71 jaar gelede, toe wyle oom Koot Kotze begin het in 1939 om ‘n gebalanseerde poenskop dubbeldoel ras te teel by Dohne Landbounavorsingstasie in Stutterheim.

groter_DSC1998 copy

9. Wees trots Suid Afrikaans. Boer met CRUX DOHNE Merino’s.